المساعد الشخصي الرقمي

مشاهدة النسخة كاملة : بــراءة أطفـــال << مسمى قديـــم !

بنت الهاص
10-17-2006, 10:29 PM
السلام عليكم ...

براءة الأطفال .. أتوقع لاسمح الله تنقرض هالكلمه السنين الجايه من اللي نشوفه :(

خذوا مثلا هالمواقف ...

:: 1 ::
طفل صغير .. شباب .. ملحق .. وأبوه
فلان 1 : تعاااالو يا شباااااااب .. وش رايكم نعلم ولده ذيك المسبه ههههههههههههه
فلان 2 : ايه .. دامه صغير .. ما راح يفهمها
الاب : تعاااال يابابا وقف قدامي ...!!!!!!!

وقفه : مقعوله لهدرجه الاب صار عنده عادي يعلم عياله السب .. صار يعلم ابنه المسبات الي المفروض نبعد عنها .. !!!!! والله عجيب



:: 2::
طفله صغيره .. الام .. الخاله .. وفاة الجده
الطفله : ماما وش فيكم انتي وخالتي تبكون
الام : لانه أمنا توفت
الطفله : طيب .. ماما متى راح توزعوا الورثه ... !!!!!!

وقفه : ورثه .. !! أحس انه هالكلمة كبيره والا وش رايكم ..؟؟ .. الام أذكر ذاك اليوم صُعقت من كلام بنتها .. ولا عرفت وش تقول لها .. لانه شي غريب !!


::3::
طفلتين تؤام .. وأختهم .. والاغاني
الطفله (ط) : تعااااااالي (ر) خلينا نغني لاختنا الاغنيه الي الفناها (( مع العلم انه عمرهم ما يتعدى 5 سنوات ))
الطفله ( ر) : ايه ايه يلاااااا تعااااالي
الاخت : وش بتغنووون ..؟؟
الطفله ( ط) : طلقني .. طلقني .. انا هنا (( وتأشر على مكانها )) وانت هناك (( تأشر لبعيد بما معنى انه طلاق !! ))
الطفله (ر) : تن ترن تن .. (( وترقص))

وقفه : انا يوم سمعت الاغنيه بغى يغمى علي .. !! .. وش جاب كلمة الطلاق على لسانهم .. والمشكله انهم حاسين في الكلمة والي اثبت لي هالكلام حركة يدينهم !! .. والله دنيا

نعيب على الدنيا ..؟؟
والا نعيب نفسنا .. الي خلتنا نهمل أطفالنا ..؟؟
mzage
10-17-2006, 11:53 PM
يؤ يؤ يؤ يؤ...

ياحراام, هذا صدق الي جالس يصير كله؟!

سبحان الله... بس بالأول و الأخير الشئ يعود للتربية نفسها والأهل, و الحين الزمن تغير, ووسائل الاعلام لها تأثير كبيير جدا ...

هذي الي ذكرتها كلها الأسباب الرئيسية والي بديهيا يعرف الواحد سبب المشكلة منها...

والي لازم يصير...
الرقابة
ثم الرقابة
ثم الرقابة....

التربية ليست كما يظنها البعض, بودي عيالي مدارس و بجيب لهم أحسن الخدم و بلبسهم و بوديهم نشاطات و بخليهم يمشون مع عيال فلانه و يتركون عيال فلتانه, لأ
التربية رقابة و ارشاد, الطفل لازم يتأسس أولا على الأسس الدينية الرشيدة, و ينشأ على حب الله عزوجل و الرسول عليه الصلاة و السلام و يعرف الصح من الخطأ و لو عرف ان الشئ خطأ مو كفاية, لازم يتعلم و يقتنع و يصير امتناعه عن الشئ دافع من نفسه مو خوف من العقاب...

في الحالة الأولى اسمحيلي اقول لك ان حمار الأبو الي يرضى ولده يتعلم يسب, هذي نادرا ماتصير, و اذا صارت فالأبو في هذي الحالة الصراحه هو الي يبيله رقابة وتعديل قبل العيال, يعني بذمتكم اذا الأبو كذا وش تتوقعون العيال يطلعون؟؟!!

في الحالة الثانية والثالثه زي ماقلت لكم, من وسائل الاعلام و الشي واااضح مية بالمية...

وسلامتكم و اشكرج اختي على طرح هالموضوع الرااائع والي يستحق النقاش...
Mr.Lover
10-18-2006, 11:57 AM
اعتقد التربيه لها دوور كبير والا لما حدثت المشاهد السابقه . وشكرااا



يا مشرفه القسم تكفين عدلي حجم الخط او غيري نوع الخط

لانه مو واضح احسه طلاسم سحر

وشكراا للجميع
بنت الهاص
10-18-2006, 09:07 PM
نور السنـا :

هلابك عزيزتي .. اسعدني مرورك ووجهة نظرك اللي أحترمها .. صح لسانك
بنت الهاص
10-18-2006, 09:08 PM
Mr.Lover :

معاك حق في اللي قلته .. تسلم على مرورك
حاااااااااتم
10-19-2006, 02:04 AM
لله درؤك وكفى
حاااااااااتم
10-19-2006, 02:06 AM
[quote=حاااااااااتم;

بسم لله وكفى والصلاة على النبى المصطفى لا فوظ فوووووووك
بنت الهاص
10-19-2006, 07:32 PM
حاتم : مشكور اخوي وتسلم يمينك على مرورك
مزاجيه
10-19-2006, 09:50 PM
يسلموووووووووو بنت الهاص
مشكووووره
al-cabten
10-19-2006, 09:59 PM
بيت الهاص

مشكوووووووووووره

ويعطيك الف عاافيه

والشكر أيضأً موصول للأخت نور السنا

على الكلام الرائع
بنت الهاص
10-19-2006, 10:25 PM
مزاجيه :

العفووو حبيبتي وتسلمين عالمرور
بنت الهاص
10-19-2006, 10:28 PM
الكابتن :

العفووو وهلابك .. تسلم عالمرور
أمير الذوق
10-21-2006, 07:56 AM
مشكورة اختي على الموضوع




دمتي بود
وبلا حد
بنت الهاص
10-21-2006, 05:11 PM
سامو :

العفوووو اخوي .. وتسلم يمينك على المرور
! عسول !
11-02-2006, 03:39 PM
كـ طفل من الطبيعي أنه راح يتأثر بـ " بيئته " الي عاش وتربى فيها ..

مشكورة على الموضوع ..